Aðgengi

Heilsugæslan Höfða hyggst víkka út heilsugæsluþjónustu frá því sem tíðkast í dag. Kjarnastarfsemi Heilsugæslunnar Höfða verður ávallt læknismóttakan, hjúkrunarmóttakan, ungbarna- og mæðravernd og forvarnir. Við teljum mikilvægast fyrir skólstæðinga stöðvarinnar að veita skjótan aðgang og samfellu í þjónustunni.

Eftirfarandi nýjungar verða innleiddar til að ná þessum markmiðum.

  • Allir skjólstæðingar stöðvarinnar munu hafa sinn persónulega heimilislækni. Í fjarveru hans mun staðgengill ávallt vera aðgengilegur. Fyrir sjúklinga með fjölþættan heilsuvanda verður viðkomandi einnig úthlutað teymi sem heldur utan um mál viðkomandi.
  • Morgunvakt þar sem ekki er þörf á að bóka tíma eða hringja („drop in“) milli kl 8.00-10.00 með  síðdegisvaktar sniði þar sem hjúkrunarfræðingur og læknir standa þessa vakt alla virka daga. Einnig verður boðið upp á síðdegisvakt milli kl. 16.00 og 18.00 án tímabókana. Þessar vaktir eru hugsaðar fyrir bráð og skyndileg veikindi. Þess fyrir utan verður öllum bráðatilvikum sinnt á opnunartíma stöðvarinnar milli kl. 8.00 og 18.00.
  • Auk hefðbundinna símatíma verða rafræn samskipti við skjólstæðinga stöðvarinnar efld gegnum HEILSUVERA.IS Þetta gildir um alla þætti rafrænna samskipta í Heilsuveru, tímabókanir, lyfjaendurnýjanir og skilaboð milli skjólstæðinga og starfsmanna.